Kwa mara nyingine kiungo Ngolo Kante amepewa tuzo nyingine Epl, safari hii tuzo ya Kante amepewa na waandishi wa habari kama mchezaji wao bora wa mwaka 2016/2017.
Wengi walitaraji pengine Eden Hazard ama Delle Ali angechukua tuzo hiyo lakini katika upigaji wa kura Ngolo Kante alibeba takribani kura kama 304.
Katika kura zilizopigwa 65% zilienda kwa Kante na Hazard huku zilizobaki ambazo ni 35% wakiwaachia wachezaji wengine waliokuwa kwenye kinyang’anyiro hicho.
Kante raia wa Ufaransa anaonekana kuwa na misimu miwili bora sana kwake kwani msimu uliopita alifanikiwa kuchukua kombe na Leicester City na msimu huu bado alama chache tu Chelsea wawe mabingwa wapya wa Epl.
Kante ambaye mpaka sasa ameichezea Chelsea kwa dakika 2959 hadi sasa ameshapiga pasi zaidi ya 2000 huku akiwa na kadi za njano sita tuu.
“Ni jambo la kujivunia sana kushinda zawadi hii mbele ya wachezaji wengi bora wa ligi hii, kwa waandishi wa habari wa nchi hii kunipa tuzo hii ni jambo la kujivunia sana” alisema Kante baada ya tuzo hiyo.
Katika kinyang’anyiro hicho klabu ya Chelsea iliingiza wachezaji watano ambapo wengine ni Diego Costa, David Luiz na Cesar Azpillicueta na wote hao walipigiwa kura.
No comments
Post a Comment