Kampeini zaelekea kileleni Zimbabwe

Writen by sadataley 8:10 PM - 0 Comments

 

Rais mstaafu wa Nigeria Olesegun Obasanjo yuko nchini Zimbabwe kama mwangalizi wa uchaguzi mkuu 

Kampeini za kisiasa nchini Zimbabwe zinamalizika hii leo kabla ya uchaguzi mkuu hapo Jumatano wiki hii.

Kiongozi wa chama cha Movement for Democratic Change ambaye pia ni Waziri MKuu ,Morgan Tsvangirai, hii leo atahutubia mkutano wa hadhara mjini Harare katika uwanja alikofanya mkutano wake hio jana Rais Robert Mugabe.
Viongozi hao wawili wamekua katika serikali ya muungano tangu mwaka wa 2008 na wametofautiana kuhusu muda uliowekwa kufanyika uchaguzi. Kumekua pia na madai ya wizi wa kura, na vitisho dhidi ya wafuasi wa MDC.
Shirika la kimataifa linalotathmini hali ya mizozo The International Crisis Group limeonya kwamba hakuna mazingira ya uchaguzi huru na haki Zimbabwe.

Huku zikiwa zimesalia siku mbili kabla ya watu nchini Zimbabwe kupiga kura kumchagua rais mpya. Kwa kipindi cha miaka minne iliyopita , serikali imekuwa ya muungano wa Robert Mugabe na Morgan Tsvangirai ambao ulikuwa unasuasua

Rais Mugabe ana umri wa miaka 89 na amekuwa mamlakani tangu mwaka 1980 na anagombea kwa mara nyingine.

• Facebook
• Tweeter
• Google+
• Pinterest