Wagombea wanne warejesha fomu za uchaguzi Kalenga

Writen by sadataley 2:56 PM - 0 Comments

Mgombea wa CCM, Godfrey Mgimwa akipeperusha bendera ya chama chake mara baada ya kurudisha fomu kwa Msimamizi wa Uchaguzi Wilaya ya Iringa kwa ajili ya kushiriki uchaguzi Jimbo la Kalenga. Picha na Said Ng’amilol. 

Na Geofrey Nyang’oro na Berdina Majinge, Mwananchi

Iringa.Wagombea wanne wa Ubunge Jimbo la Kalenga kupitia Vyama vya CCM, Chadema, NCCR-Mageuzi na Causta jana wamerejesha fomu za kuwania kiti cha ubunge wa jimbo hilo baada ya kukamilisha taratibu za kujaza fomu, huku wale wa CCM na Chadema wakitoa ujumbe mzito wa kuwataka wafuasi wa vyama vyao kutojihusisha na vurugu wakati wa kampeni.

Kampeni za uchaguzi mdogo wa jimbo hilo unaotarajiwa kufanyika Machi 16 mwaka huu na kampeni zinaanza kutimua vumbi leo kwa mujibu wa ratiba ya jumla iliyotolewa na Tume ya Uchaguzi Taifa (NEC). Kampeni zitadumu mpaka Machi 15 mwaka huu.

Wagombea waliorejesha fomu jana ni pamoja na Godfrey Mgimwa (CCM) Grace Tendega (Chadema) Erick Chelula NCCR-Mageuzi na Richard Minja (Chausta).

Baada ya kurejesha fomu hizo katika Ofisi ya Msimamizi wa Uchaguzi Pudenciana Kisaka, aliwapongeza kwa hatua waliyofikia na kuwatakia kila la heri katika kampeni zao.

• Facebook
• Tweeter
• Google+
• Pinterest