Tanzania na Malawi kuhifadhi maji yam to Songwe

Writen by sadataley 9:23 PM - 0 Comments

Maji ya mto Songwe uliopo mkoani Mbeya, Wilaya zinazopitiwa na mto huo ni Mbeya Vijijini, Ileje , Kyela na kwamba kwa upande wa Malawi zipo wilaya zilizo karibu na mto huo. Picha na maktaba 

Na Godfrey Kahango, MwananchiMbeya.Tanzania na Malawi zimeandaa mpango wa pamoja kujenga mabwawa matatu makubwa kandokando mwa Mto Songwe ulio mpakani mwa nchi hizo, ili kutunza maji yanayosababisha mafuriko kipIndi ch mvua na kuwaathiri wakazi wa nchi hizo wanaoishi karibu na Ziwa Nyasa.

Taarifa hiyo ilitolewa na waratibu wa kuendeleza Mradi wa Bonde la Mto Songwe kutoka nchi hizo juzi kwenye kikao cha Baraza la Madiwani cha Halmashauri ya Wilaya ya Mbeya Vijijini kilichofanyika jijini hapa.

Mratibu wa mradi huo kwa upande wa Tanzania, Gabriel Kalinga ambaye aliambatana na mratibu mwenzake kutoka Malawi, Erick Chidzungu, alisema mradi huo ulibuniwa ili kuondokana na adha ya mafuriko inayowakumba wakazi wa nchi hizo eneo la bonde la mto huo karibu na Ziwa Nyasa.

Alisema mbali na hatua hiyo pia ni njia mojawapo ya kuwekeza vitegauchumi kwa nchi zote kwani mabwawa hayo yanaweza kutumika kuzalisha umeme na pia kufanya kazi za umwagiliaji katika ekari zinazokadiriwa kufikia 3,000.

Wilaya zinazopitiwa na mto huo ni Mbeya Vijijini, Ileje , Kyela na kwamba kwa upande wa Malawi zipo wilaya zilizo karibu na mto huo.

Kalinga alisema hadi hatua hii tayari Benki ya Maendeleo ya Africa (ADB) imekubali kwamba mradi huo una manufaa makubwa na kuongeza kuwa unaweza kutekelezeka.

• Facebook
• Tweeter
• Google+
• Pinterest