Writen by
sadataley
7:15 PM
-
0
Comments
ARIEL SHARON AMALIZA MWENDO NA MIAKA 85
 |
| Hatati Ariel Sharon. © Reuters/Gil Cohen Magen via Christian Post. |
Kutojitambua kwa muda wa miaka 8 hatimaye kumefikia kikomo baada ya Waziri Mkuu mstaafu wa Israel, Ariel Sharon, kufariki dunia siku ya Jumamosi, kwenye hospitali ya Tel Aviv, baada ya kuugua ugonjwa wa kupooza.
Marehemu Ariel Sharon, ambaye ameshika nyadhifa mbalimbali nchni humo, anafahamika kwa majina ya utani kama vile Simba wa Mungu, Mfalme wa Israel, Bulldozer na pia mchinjaji wa Beirut, ambapo amekuwa hospitalini muda mrefu bila ya kujitambua, jambo ambalo liliwafanya wengi kuamini kuwa muda wake umetimia, huku wengine wakiona kwamba kuumwa kwake ni pigo kutoka kwa Mungu kwa kuruhusu kutambuliwa taifa la Palestina, pale alipotoa eneo la Gaza kwa Waarabu.
January 2006 akianza mwaka wa tano wa uongozi wake, ndio ulioshuhudia akipatwa na ugonjwa uliomlaza, ambapo msaidizi wake, Ehud Olmert alishinda kwenye uchaguzi uliofuatia.
Sharon, ambaye pia ametumika Jeshi la nchi hiyo katika nafasi ya Umeja Jenerali, anasifiwa kwa kuongoza vema vita dhidi ya siku 6 dhidi ya Misri, Jordan na Syria mnamo mwaka 1967, ambapo waliwaangamiza maadui zao hao.
Ariel Sharon alizaliwa Februari 27 mwaka 1928 kwa jina la Ariel Scheinerman, kwenye kiijiji cha Kfar Malal, ambapo wazazi wake walihamia kutoka Urusi kipindi cha mapinduzi nchini humo.
Ametembea mwendo wake, BWANA ametoa, na BWANA ametwaa, jina la BWANA na lihimidiwe.
Christian Post imeandika
No comments
Post a Comment