“Hii ni zawadi kwa mke wangu ambaye ni mjamzito na anatarajia kujifungua, ni zawadi pia kwa mtoto wetu atakae zaliwa,” Emanuel Okwi amezungumza baada ya kufunga magoli manne kwenye mchezo wa kwanza wa VPL dhidi ya Ruvu Shooting.
Okwi amefunga magoli yake dakika ya 19, 36, 38 na 52 huku ikiwa ni Hat-trick ya kwanza kwenye ligi ambayo pia imefungwa ndani ya kipindi cha kwanza.
Magoli mengine ya Simba yamefungwa na Shiza Kichuya dakika ya 42, Juma Liuzio dakika ya 45 na Erasto Nyoni dakika ya 81.
Hii ni mechi ya kwanza ya ligi kwa upande wa Simba msimu mpya wa wa 2017/2018 wakiwa wamepata ushindi mkubwa wa magoli 7-0.
Msimu uliopita Simba ilisginda mechi zake zote dhidi ya Ruvu Shooting. Semptember 7, 2016 Simba 2-1 Ruvu Shooting huku mechi ya marudiano December 29, 2016 Simba walipata ushindi wa 1-0 dhidi ya Ruvu Shooting.
Ruvu Shooting wamewahi pia kupata kipigo kama hicho kutoka kwa Yanga miaka mitatu iliyopita (February 22, 2014) Ruvu Shooting 0-7 Yanga.
Kwa hiyo Simba wamefikia rekodi ya Yanga dhidi ya Ruvu Shooting baada ya kuwafunga 7-0 wanajeshi hao wa kujenga taifa.
No comments
Post a Comment