ICC: Afueni kwa William Ruto

Writen by sadataley 1:50 PM - 0 Comments

Mahakama ya kimataifa ya uhalifu wa kivita, ICC, imemruhusu Naibu Rais wa Kenya William Ruto kutohudhuria baadhi ya vikao vya kesi dhidi yake katika mahakama hiyo.

Naibu Rais Ruto amepata afueni ya kutohudhuria baadhi ya vikao vya kesi yake

Ruto alishitakiwa kwa kosa la uhalifu dhidi ya binadamu baada ya kusemekana kuwa baadhi ya washukiwa wakuu wa ghasia za baada ya uchaguzi zilizokumba Kenya mwaka 2007/08.

Jaji mkuu katika kesi yake hata hivyo amesema kuwa sharti Ruto ahudhurie vikao muhimu wakati kesi yake ikiendelea, ikiwemo nyakati mashahidi wanapotoa ushahidi.

Ruto amekanusha madai ya kuhusika na ghasia za baada ya uchaguzi wa mwaka 2007 na 2008.

Takriban watu 1,200 waliuawa katika ghasia hizo za kikabila na wengine laki sita kuachwa bila makao.

Mwaka jana mahakama hiyo pia ilimruhusu Rais Uhuru Kenyatta kutohudhuria vikao vyote vya kesi yake.

Kenyatta na Ruto walishitakiwa kama washukiwa wakuu wa ghasia zilizozuka baada ya kuibuka utata kuhusu matokeo ya uchaguzi mkuu wakati huo kati ya Rais mstaafu Mwai Kibaki na aliyekuwa waziri mkuu Raila Odinga.

• Facebook
• Tweeter
• Google+
• Pinterest