Writen by
sadataley
12:17 PM
-
0
Comments
Waziri Mkuu aliyejiuzulu ambaye pia ni Mbunge wa Monduli, Edward Lowassa akiwasalimu waumini wa Kanisa la Africa Inland Pastoreti ya Kahama Shinyanga, alipowasili wakati wa ibada na harambee ya kuchangia ujenzi wa shule ya msingi ya kanisa hilo jana. Picha na Mpiga Picha Maalumu.
Na Mwandishi Wetu, Mwananchi
Kahama. Waziri Mkuu aliyejiuzulu, Edward Lowassa, amefichua siri ya jinsi mpango wa kuvuta maji kutoka Ziwa Victoria ulivyopingwa katika kikao cha Baraza la Mawaziri wakati wa utawala wa Rais wa Awamu ya Tatu, Benjamin Mkapa.
Akizungumza katika harambee ya kuchangia Shule ya Msingi ya Kanisa la AICT huko Kahama mkoani Shinyanga jana, Lowassa, ambaye katika kipindi hicho alikuwa Waziri wa Maji, alisema mawaziri wawili tu ndio waliunga mkono mradi huo na waliobakia waliupinga. Mradi huo wa maji unapita katika Mikoa ya Mwanza na Shinyanga.
Lowassa, ambaye pia ni Mbunge wa Monduli, aliwataja mawaziri waliounga mkono mradi huo kuwa ni Rais Jakaya Kikwete ambaye wakati huo alikuwa Waziri wa Mambo ya Nchi za Nje na Mohamed Seif Khatibu, aliyekuwa Waziri wa Nchi katika Ofisi ya Makamu wa Rais.
“Niwapeni siri, nilipendekeza mradi wa kutumia maji ya Ziwa Victoria kwa Rais Mkapa naye akaniuliza wale wakubwa tutawaweza, nikamhakikishia tutawaweza.
“Wakubwa hao alikuwa na maana ya nchi za Misri, Ethiopia na Sudan zinazotumia Mto Nile unaoanzia kwenye Ziwa Victoria.
“Rais Mkapa alitaka mawazo ya kila waziri na mawaziri wawili tu ndio waliunga mkono mradi huu na hao ni Rais Kikwete wakati huo akiwa waziri na rafiki yangu Mohamed Seif Khatibu waliuafiki. Mzee Mkapa baada ya kusikiliza mawazo yote akaamua fedha zitolewe,” alisisitiza.
Lowassa alisema kulikuwa na ugumu kwenye mradi ule wakati mkataba wa zamani wa kimataifa unaipa Misri haki ya kumiliki Ziwa Victoria kwa sababu Mto Nile, ambao ni tegemeo la nchi hiyo, unaanzia hapo.
“Nilikuwa na wakati mgumu wakati ule nilipokwenda Misri maana wakati nateremka pale Uwanja wa Ndege wa Cairo, nilikuta ulinzi wa hali ya juu sana, nikajiuliza mimi waziri tu napewa ulinzi namna hii.
No comments
Post a Comment