Ramaphosa kufanya mabadiliko baraza la mawaziri Afrika Kusini

Writen by sadataley 4:06 PM - 0 Comments

Rais mpya wa Afrika Kusini, Cyril Ramaphosa amesema sasa umewadia wakati wa kufanya mabadiliko katika baraza la mawaziri huku kukiwa na tetesi kuhusu kuendelea au kutoendelea kubakia Waziri wa Fedha, Malusi Nkanyezi Gigaga.

Ramaphosa aliapishwa kuwa Rais wa Afrika Kusini siku ya Alhamisi iliyopita baada ya chama tawala ANC kumlazimisha Jacob Zuma kujiuzulu kutokana na kashfa kadhaa zilizokuwa zikimuandama katika kipindi cha miaka tisa ya utawala wake.

Akihutubia taifa Ijumaa, Ramaphosa aliashiria kuwa atafanya mabadiliko katika baraza lake la mawaziri mbali na kupunguza idara za serikali.

Wawekezaji wanasubiri kwa hamu kuona iwapo, Gigaba, ambaye atawasilisha bajeti Jumatano ya leo atabakia kuwa waziri au la.

Akizungumza Jumanne, Ramaphosa amesema ni wakati wa kutekeleza maneno yake kivitendo na kutafakari kuhusu baraza la mawaziri na masuala mengine.

Wadadisi wa mambo wanasema, Gigaba anapaswa kuchukua maamuzi mazito katika bajeti ili kujaza pengo la upungufu wa pato na pia kukabiliana na nakisi ya bajeti sambamba na kuwasilisha ramani ya kuboresha uchumi uliovurugika wa Afrika Kusini.

Parstoday

• Facebook
• Tweeter
• Google+
• Pinterest