Writen by sadataley 8:07 AM - 0 Comments

Michuano ya Vilabu Afrika yapamba moto

   

Wachezaji wa timu ya Yanga ya Tanzania wakishangilia moja ya mabao yao walipocheza na BDF ya Botswana Jumamosi jijini Dar es Salaam na kuichapa 2-0

Wawakilishi wa Tanzania katika michuano ya Kombe la Klabu Bingwa na Kombe la Shirikisho, timu za Azam na Yanga zimeanza vema safari yao ya kuwania makombe hayo baada ya kila timu kupata ushindi wa mabao 2-0 dhidi ya wapinzani wao.

Timu ya Yanga wawakilishi katika Kombe la Shirikisho, Jumamosi waliwacharaza wawakilishi wa Botswana, BDF kwa kuwachapa magoli 2-0 katika mchezo uliofanyika katika uwanja wa Taifa jijini Dar es Salaam. Magoli ya Yanga yalifungwa na mshambuliaji wake Amis Tambwe katika kila kipindi cha mchezo, ambapo bao la kwanza lilifungwa mapema mno katika sekunde ya 57 ya mchezo.
Ushindi huo unairahisishia Yanga kusonga mbele katika mchezo wa marudiano utakaofanyika mjini Gaborone wiki mbili zijazo.

Wachezaji wa timu ya Azam ya Tanzania wakifurahia ushindi dhidi ya El-Merrekh ya Sudan kwa kuifunga 2-0 katika mchezo uliofanyika Jumapili nje kidogo ya jiji la Dar es Salaam

Nao Azam, wawakilishi katika kombe la klabu bingwa imeanza kampeni yake kwa kuinyuka El Merreikh ya Sudan kwa magoli 2-0 katika mchezo uliofanyika uwanja wa Azam Complex Chamazi, nje kidogo ya jiji la Dar es Salaam.
Mabao ya Azam yalifungwa na Didier Kavumbagu na John Bocco.
Azam wanatarajiwa kurudiana na El-Merreikh mjini Khartoum, wiki mbili zijazo.

Gor Mahia ya Kenya iliyoizamisha CNaps Sport ya Madagascar bao 1-0 katika mchezo wao wa awali uliochezwa Jumamosi mjini Nairobi

Matokeo ya timu nyingine za ukanda wa Afrika Mashariki katika Kombe la Shirikisho la CAF, Polisi Zanzibar imekumbana na kipigo kizito baada ya kuangushiwa mzigo wa mabao 5-0 dhidi ya CF Mounana ya Gabon na hivyo kujiweka katika mazingira magumu ya kuendelea hatua ya pili.
Sofapaka ya Kenya nayo imepoteza mchezo wake wa kwanza dhidi ya Platinum ya Zimbabwe kwa kuchapwa magoli 2-1. Rayon Sport ya Rwanda imepata ushindi ugenini kwa kuifunga Panthere ya Cameroon goli 1-0. Nayo URA ya Uganda imepata ushindi wa mabao 3-2 dhidi ya Elgeco Plus ya Madagascar.
Mbali na Azam ya Tanzania kupata ushindi katika mchezo wake wa awali dhidi ya Al-Marreikh, katika michezo ya Klabu bingwa Afrika, Kampala City Council ya Uganda imepata ushindi wa bao 1-0 dhidi ya Cosmos de Bafia ya Cameroon, wakati Gor Mahia ya Kenya ikicharaza CNaps Sport ya Madagascar goli 1-0.

• Facebook
• Tweeter
• Google+
• Pinterest