Writen by sadataley 6:53 AM - 0 Comments

VIONGOZI WA DINI NA WAZEE KALENGA WASIFU UTENDAJI WA MBUNGE MGIMWA ,MWENYEWE AWACHANGIA MILIONI 4.5



mbunge wa  jimbo la  Kalenga Godfrey  Mgimwa akiwahutubia  waumini  wa kanisa la kiinjili la kilutheri  Tanzania  (KKKT) usharika  wa Ifunda  kibaoni jana  wakati wa harambee ya  kuchangia  vyombo vya muziki kulia ni diwani wa kata ya Ifunda  Elia Mgwila na kushoto  ni Mkuu  wa  jimbo la  kusini Mashariki  Ihemi  katika kanisa la Kiinjili la kilutheri Tanzania (KKKT) dayosisi ya Iringa  mchungaji  Aikam Chavalla

Mkuu  wa  jimbo la  kusini Mashariki  Ihemi  katika kanisa la Kiinjili la kilutheri Tanzania (KKKT) dayosisi ya Iringa  mchungaji  Aikam Chavalla akimshukuru  mbunge wa jimbo la Kalenga  Godfrey Mgimwa kwa  kuendelea  kuchangia maendeleo ya  jimbo la kalenga 

Mkuu  wa  Jimbo la  Kusini Magharibi (Ihemi) la Kanisa la Kiinjili la Kilutheri Tanzania (KKKT) Dayosisi ya Iringa  Mchungaji  Aikam Chavalla akimshukuru  mbunge wa jimbo la Kalenga  Godfrey Mgimwa kwa  kuendelea  kuchangia maendeleo ya  Jimbo la Kalenga


Mkuu  wa  Jimbo la  Kusini Magharibi  (Ihemi)  la Kanisa la Kiinjili la Kilutheri Tanzania (KKKT) Dayosisi ya Iringa  Mchungaji  Aikam Chavalla akizungumza na Mbunge Mgimwa


Mkuu  wa  jimbo la  Kusini Magharibi  (Ihemi ) la  Kanisa la Kiinjili la Kilutheri Tanzania (KKKT) Dayosisi ya Iringa  mchungaji  Aikam Chavalla akimshukuru  Mbunge wa Jimbo la Kalenga  Godfrey Mgimwa kwa  kuendelea  kuchangia maendeleo ya  Jimbo la Kalenga 

 



 VIONGOZI  wa dini na  wazee katika jimbo la Kalenga  mkoani  Iringa wameeleza  kufurahishwa na utemndaji kazi  wa mbunge wa  jimbo la Kalenga Bw  Godfrey Mgimwa na  kuwa wao kama viongozi wa  dini kazi yao kubwa ni  kuendelea  kumwombea ili azidi zaidi  ili kuendelea  kuwatumikia  wananchi wa Kalenga.

Wakizungumza kwa nyakati  tofauti  jana  jumapili baada ya  mbunge  huyo  kufanya  ziara katika makanisa mawili ya kata  ya Ifunda  likiwemo Kanisa la Romani cathoric (RC) parokia ya  Ifunda na kanisa la  Kiinjili la kilutheri Tanzania (KKKT)  usharika  wa Ifunda  kibaoni viongozi hao walisema  wamepata  kuwa na  wabunge  zaidi ya wanne katika  jimbo  hilo  ila utendaji wa  Mbunge  umekuwa na matumaini makubwa kiasi cha wananchi  kujivunia uwajibikaji wa mbunge  wao.

Mkuu  wa  jimbo la  kusini Mashariki  Ihemi  katika kanisa la Kiinjili la kilutheri Tanzania (KKKT) dayosisi ya Iringa  mchungaji  Aikam Chavalla alisema  kuwa  kwa  zamani  jimbo  hilo ilikuwa ni  vigumu kwa  mbunge  kuitwa kwa  dharula kanisani na kufika  kushiriki na  wapiga  kura  wake .

Pia  alisema  wao kama  viongozi  wa  dini wamekuwa  wakifanya kazi kwa karibu  na viongozi  mbali mbali  wa serikali  hasa  ukizingatia  kuwa wote  ni  viongozi ila kila mmoja anamtegemea  mwenzake katika  kuongoza na  kuwa  wakati  viongozi wa serikali na wabunge  wanawakilisha  watu katika utawala  wa umma na  wao  viongozi  wa  dini  wapo kwa ajili ya  kuwaombea wote kufika katika ufalme wa  mbinguni.  


Hivyo  alisema  kuwa  jimbo la Kalenga  litaendelea  kuwa na maendeleo iwapo  viongozi  wote  wataiga mfano  wa mbunge Mgimwa katika  kuwatumikia  wananchi  badala ya  wabunge  wengine ambao  walikuwepo kwa ajili yao pekee.

Kwa upande  wake paroko  wa kanisa la RC Ifunda Alois Mdemu  alisema  kuwa  mchango  wa  kiongozi  huyo katika maendeleo  unafanana na  ule wa marehemu babake  mbunge aliyefariki Dr  Wiliam Mgimwa ambae  pia  alikuwa akijitoa  zaidi kwa ajili ya  wananchi  wake.

Paroko Mdemu  alisema  kuwa mbali ya kuwa  Godfrey Mgimwa ni mbunge  kijana  ila kazi anayoifanya inaonyesha si  kijana tena  bali ni baba  wa  wananchi  wote wa Kalenga na  hivyo iwapo ataendelea   hivyo  wana kalenga  kamwe  hawatajisikia  yatima  kwa kuondokewa na  mbunge wao Dr Mgimwa.

Mbali ya  viongozi  hao  wa dini  pia  wazee  wa kata ya Ifunda  wamesema kuwa  kutokana na utendaji wa mbunge  huyo hadi  sasa  hawahitaji  mbunge mwingine  zaidi ya  Mgimwa katika jimbo  hilo ila hawawazuii  wanaofika kuchangia maendeleo ya  jimbo  hilo kuunga mkono wa  mbunge wao Mgimwa.

Akizungumza  kwa niaba ya  wazee  wenzake mwenyekiti wa kikundi   cha  Vicoba cha  wazee  Ifunda  BEatus Mduda  alisema  kuwa   uanzishwaji wa  kikundi  hicho  umechangiwa kwa kiasi  kikubwa na mbunge  huyo na kuwa  toka  nchi ipate  uhuru  jimbo la kalenga  halijapata  kuwa na mbunge ambae amewakumbuka  wazee kama Mgimwa  na kuwa  wao kama wazee hawaoni  sababu ya  kuwa na mbunge  zaidi yake  tena .

"Tunatambua  umri  wako  bado kijana hivyo hata  tukiendelea  kukuchagua kwa  vipindi  zaidi ya  vinne  bado  nguvu ya  kututumikia  wananchi wa Kalenga  unayo  hivyo  sisi  wazee  tayari  tumeanza  kuwashawishi  vijana  wetu  kuwapuuza  wale  wote  wanaojipitisha  jimboni  kutaka  ubunge na tunaomba  CCM kuwashughulikia  wote  wanaofanya kampeni za ubunge"

Mbunge  Mgimwa  alisema  kuwa katika  ziara  yake hiyo ndani ya kata ya  Ifunda na kijiji kimoja  hicho  cha ifunda kibaoni amechangia kiasi cha  Tsh milioni 4.5  kwa ajili ya kwaya ya  Mtakatifu  Secilia katika kanisa la RC kiasi cha Tsh milioni 2 ,mchango kwa ajili ya ununuzi wa vifaa vya muziki kanisa la KKKT Ifunda  kiasi cha Tsh milioni 1 na mchango kwa ajili ya uanzishwaji wa  vicoba kwa kikundi hicho cha wazee  kiasi cha Tsh milioni 1 na kuwa ataendelea  kufanya  hivyo kwa  wananchi wake  wa kata  na vijiji  vyote   iwapo  watamshirikisha.

Habari  kwa hisani  ya www.matukiodaima.co.tz

 

• Facebook
• Tweeter
• Google+
• Pinterest