UCHE AJIANDAA KUACHIA DVD INAYOTABIRIWA KUMLETEA TUZO KIMATAIFA

Writen by sadataley 4:09 PM - 0 Comments

Uche Agu katika pozi.

Mwimbaji nyota aliyewahi kutamba na kundi la Joyous Celebration la Afrika ya kusini kupitia wimbo wake wa My God is good , mchungaji Agu Uchechukwu au mwite Uche anatarajiwa kuachia album mpya hivi karibuni ambayo inadaiwa italeta mapinduzi katika ulimwengu wa muziki wa gospel na kumpeleka mwimbaji huyo katika viwango vingine kimataifa.

Uche ambaye anajulikana zaidi kwa jina la Double double, alirekodi dvd live mapema mwezi wa nne mwaka jana huko Houston nchini Marekani akishirikisha watu wanaojua muziki vizuri kama Moi Javier ambaye amewahi kufanya kazi na mwimbaji nyota Israel Houghton na William McDowel ambaye mpaka sasa anaendelea na kazi ya kumalizia album hiyo kabla haijaachiwa huku watu wakiamini kuwa album hiyo itamletea tuzo za kimataifa mwimbaji huyo. Lakini pia mwimbaji huyo amekuwa akipata mialiko ya kusimama jukwaa moja na magwiji wengine wa muziki wa injili kama Ron Kenoly na wengineo.

Uche ameweza kusaidia kundi la Joyous kufahamika zaidi duniani kupitia wimbo wa My God is good ambao umevunja rekodi ya kundi hilo kwenye mtandao wa YouTube kwakuwa wimbo wa kwanza kuangaliwa zaidi ya mara milioni mbili na sasa ukifuatiwa na wimbo wa Tambira Jehova ulioimbwa na mwanakaka Mkhululi Bhebhe ambao nao umeshatazamwa zaidi ya mara milioni moja. Kwasasa Uche anaongoza kwakupata mialiko barani America na kwingineko duniani ukilinganisha na waimbaji wengine wa Kinigeria pamoja na waimbaji wa kundi la Joyous.

Nilipokutana na Uche January 2012 jijini London.

JIKUMBUSHE WIMBO WA MWISHO WA UCHE AKIWA NA JOYOUS CELEBRATION

Habari na Gospel Kitaa

• Facebook
• Tweeter
• Google+
• Pinterest