London. Mbivu na mbichi za uchaguzi mkuu nchini Uingereza zitajulikana leo baada ya zaidi ya watu 46.9 milioni wa nchi hiyo kupiga kura.
Upigaji kura utaanza saa 1 asubuhi, (saa za Uingereza) wakati ambapo zaidi ya vituo 40,000 vitafunguliwa kote nchini humo.
Katika uchaguzi huo, jumla ya wabunge 650 watapigwa kura.
Idadi hiyo ya wapiga kura 46.9 milioni ni ongezekao kubwa ukilinganisha na wapiga kura 46.4 waliojiandikisha mwaka 2015.
Kura nyingine tayari zimepigwa kwa njia ya posta ambazo zilichukua asilimia 16.4 wakati wa uchaguzi wa mwaka 2015.
Vituo vingi vya kupigia kura vimewekwa shuleni na katika vituo vya kutoa huduma za kijamii.
Matokeo ya baadhi ya majimbo yanatarajiwa kutangazwa leo usiku huku matokeo ya mwisho yakitarajiwa kutangazwa Ijumaa mchana.
No comments
Post a Comment