Uwezo wa wanawake kupata mimba washuka Tanzania

 

Dar es Salaam City

Viwango vya wanawake kuweza kupata mimba nchini Tanzania vimepungua hadi 5.2 kwa kila mwanamke nchini Tanzania mwaka 2015/2016 kutoka 6.2 kwa kila mwanamke miaka ya 1991/92, kulingana na utafiti wa afya nchini humo

Kulingana na gazeti la The Citizen nchini Tanzania,utafiti huo uliofanywa na kutolewa na Afisi ya kitaifa ya Takwimu nchini humo NBS wiki iliopita unaonyesha kushuka kwa viwango vya uwezo wa kushika mimba miongoni mwa wanawake .
Kwa mfano mwaka 1996 ripoti hiyo inaonyesha watoto 5.8, mwaka 2004/05} ni watoto 5.7 mwaka 2010 ni watoto 5.4.
Utafiti huo pia ulibaini kwamba wanawake wanaoishi mashambani nchini humo wana uwezo mkubwa wa kushika mimba ikilinganishwa na wenzao wanaoishi mijini.
Gazeti hilo linasema kuwa wanawake wa mashambani wana uwezo wa kupata watoto 6 kwa kiwango cha wastani ikilinganishwa na wenzao wa mijini walio na uwezo wa kupata watoto watatu kwa wastani.
Wanawake kisiwani Zanzibar hupata watoto watano kwa kiwango cha wastani.
Ripoti hiyo pia inasema kuwa uwezo wa kushika mimba unatofautiana na elimu pamoja na hali ya kiuchumi.
Uwezo huo hupungua kulingana na kuongezeka kwa mali kulingana na ripoti hiyo, ikiongeza kuwa wanawake wanaoishi katika maeneo masikini wanapata watoto 7 ikilinganishwa na watoto 3 miongoni mwa wanawake wanaoishi katika maeneo ya kitajiri.
Ripoti hiyo pia imebaini kwamba wanawake nchini Tanzania walianza kushiriki ngono mwaka mmoja kabla ya wanaume.
Mwaka ambao wanawake huanza kushiriki ngono ni miaka 17 ikilinganishwa na wanaume ambao ni miaka 18.
Wanawake walio na elimu ya upili ama ile ya juu hushiriki ngono zaidi ya miaka mitatu baadaye ikilinganishwa na wanawake wasio na elimu ikiwa ni miaka 19 dhidi ya 16.
Takriban asilimia 14 ya wanawake na asilimia 9 ya wanaume hushiriki ngono kabla ya mwaka wa 15 na asilimia 61 ya wanawake na asilimia 47 ya wanaume hushiriki kabla ya mwaka wa 18.
Wanawake huolewa miaka miwili baada ya kushiriki ngono katika mwaka wa 19.
Vilevile gazeti hilo limesema kuwa wanawake kutoka familia za kitajiri huolewa miaka mitatu baadaye ikilinganishwa na wanawake kutoka familia masikini.
Chanzo:BBC SWAHILI

Rais wa Gambia asema hang'atuki mamlakani ng'o

Rais wa gambia Yahya Jammeh ameonya kuwa atakataa jaribio lolote la viongozi wa kieneo kumlazimisha kuondoka madarakani licha ya kushindwa katika uchaguzi na mfanyibiashara Adama Barrow.

Akihutubia wanachama wa muungano wa Bar Afrika nchini humo Bw Jammeh alisema: ''Waje wajaribu kuniondoa.wanasubiri nini? mimi ni mtu mpenda amani lakini haimaanishi kwamba sitalitetea taifa langu, kwa ujasiri na uzalendo na kuibuka mshindi''.
Amesema kuwa alikataa wito wa muungano wa viongozi wa mataifa ya Magharibi ECOWAS akiwemo rais Muhammadu Buhari wa Nigeria na Ellen Johnson Sirleaf wa Liberia kuondoka nchini Gambia.
Akiongezea: ''Wao ni kina nani wa kuniambia mimi niondoke nchini mwangu.
Amewashtumu viongozi hao kwa kuingilia a ya ndani ya Gambia.
ECOWAS tayari imesema kuwa inamtambua bw Barrow kama rais wa taifa hilo na kwamba litachukua hatua zozote kuhakikisha kuwa matokeo ya uchaguzi yanaheshimiwa.
Viongozi wa kieneo watahudhuria kuapishwa kwa Bw Barrow mnamo mwezi Januari 18 kulingana na taarifa ya Ecowas.
Rais Jammeh awali alikuwa amekubali matokeo ya uchaguzi huo manamo tarehe mosi mwezi Disemba ,lakini baadaye akaitisha uchaguzi mpya utakaoandaliwa na tume ya uchaguzi inayomcha mungu.
Alisema kwamba matokeo hayo uchaguzi yaligubikwa na dosari.

Mwinyi apongeza makanisa kwa huduma bora za kijamii nchini

Rais Mstaafu Alhaji Ali Hassan Mwinyi amepongeza makanisa kwa kutoa huduma bora za kijamii nchini na kuwatia moyo watendaji ili kazi hiyo iendelee kwa lengo la kuleta ustawi wa jamii ya Watanzania.
Rais Mwinyi alisema hayo Kata ya Maji ya Chai, Wilayani Arumeru 24 Nov 2016 katika sherehe za miaka 25 ya Tume ya Kikristo ya Huduma za Jamii (CSSC) ambacho ni chombo cha pamoja cha makanisa ya Jumuiya ya Kikristo Tanzania (CCT) na Baraza la Maaskofu (TEC).

Aliwapongeza waasisi wa chombo hicho kwa maono ya kuundwa kwa chombo hicho ambacho kimsingi kinaleta pamoja kwa kuratibu na kusimamia ubora wa huduma za elimu na afya kwa ubia na Serikali.
Mzee Mwinyi ambaye alikuwa amefuatana na mkwewe Mama Sitti Mwinyi, kuhusu afya, akinukuu Biblia Luka 10: 34 na kusema anatambua kuwa wakristo wanaitikia wito wa Yesu wa kuwahudumia wana jamii na kuhusu elimu alinukuu Mithali 4: 13.
Alhaji Mwinyi alisema Korani haikatazi waislamu na wakristo kushirikiana wala kupokea huduma za kijamii zinazotolewa na wakristo. Alisema alipokuwa Rais, aliidhinisha mkataba baada ya kugundua kwamba malengo ya viongozi wa Serikali na yale ya viongozi wa Kikristo katika kuihudumia jamii yanafanana.
Katika sherehe hiyo pamoja na mambo mengine Rais Mwinyi alifungua rasmi jengo jipya la CSSC Kanda ya Kaskazini baada ya jengo hilo kuwekwa wakfu na Rais wa CSSC, Askofu Dkt. Alex Malasusa ambaye pia ni Askofu wa KKKT Dayosisi ya Mashariki na Pwani.
Akimkaribisha mgeni rasmi kuhutubia umati uliokuwepo, Askofu Dkt. Malasusa, alishukuru Serikali kwa ushirikiano na kwa ubia uliopo kwa kutoa raslimali fedha na watumishi kwa ajili ya kusaidia kuendesha hospitali za Kanisa.
Askofu Dkt Malasusa alisema makanisa yataendeleza huduma za kijamii nchini kwani ni sehemu ya Ibada kwani wakristo wanatekeleza wito wao wa kumhudumia mwanadamu kwa ukamilifu: kiroho, kimwili na kiakili.
Maaskofu kutoka KKKT, Kanisa Katoliki, Kanisa la Anglikana, Kanisa la Mungu, na Kanisa la Menonnite toka Ukanda wa Kaskazini yaani Mikoa ya Manyara, Arusha na Kilimanjaro walishuhudia Mkuu wa KKKT, Askofu Dkt. Fredrick Shoo, akiweka saini hati ya kuhamisha Kampuni ya Misioni ya Kusambaza Madawa na Vifaa Tiba (MEMS) iliyokuwa chini ya KKKT kwenda CSSC. Viongozi wa Idara na watendaji makanisa hayo na kutoka CCT na CSSS pia walihudhuria kwa wingi katika tukio hilo.
Kwa niaba ya waanzilishi wa CSSC, Askofu Mkuu wa Jimbo Katoliki la Arusha Mhashamu Josephat L. Lebulu alisema wazo la kuwa na CSSC lilikuwa tangu miaka mingi ambapo makanisa ya Tanganyika yaliunda Tanganyika Christian Medical Board (TCMB) na baadaye Christian Education Board of Tanganyika (CEBT) kwa kushirikiana na makanisa ya Ujeumani.
Waasisi wa CSSC ambao ni pamoja na Askofu Lebulu na Askofu Mstaafu wa KKKT Dayosisi ya Kaskazini, Dkt. Erasto Kweka, walianza mchakato kwa kuwasiliana na Rais Mwinyi alipokuwa kiongozi wa Awamu ya Pili; ndipo hatimaye mwaka 1992 chombo hicho kikaanza kwa kuunganisha kazi zilizofanywa na bodi zile mbili TCMB na CEBT.
Askofu Lebulu alisema “tuliona tuunganishe nguvu kwa kuanzisha chombo kitakachopanga kwa pamoja, kupanua na kuboresha utoaji huduma za afya na elimu kwa kuwa katika matatizo kama ugonjwa, hakuna malaria ya kikatoliki, ya kilutheri au ya kiislamu,” alisema.
Mkurugenzi Mtendaji wa CSSS, Bw. Peter Maduki, alisema CSSC ina kanda tano nchini yaani Kanda ya Kaskazini; Kanda ya Ziwa; Kanda ya Magharibi; Kanda ya Mashariki na Kanda ya Kusini.
Alisema kwa pamoja katika sekta ya elimu makanisa yanamiliki taasisi za elimu 691 na kati ya hizo kuna vyuo vikuu tisa; vyuo vikuu vishiriki 19; vyuo vya ufundi stadi 126; vyuo vya ualimu 14; shule za sekondari 362 na shule za msingi 161.
Pia makanisa nchini yanamiliki hospitali 102 ambapo kati ya hizo mbili ni hospitali za kanda, hospitali teule za Wilaya 38; hospitali 62 zinatoa huduma katika hospitali mbalimbali; vituo vya afya 102; zahanati 3,987; Vyuo vya mafunzo ya watumishi wa afya ngazi ya elimu ya juu na ya kati; chuo kikuu kimoja na vyuo vikuu vishiriki vitatu vya tiba.
Kwa niaba ya wawakilishi kutoka kanda mbalimbali, Askofu Dkt. Benson Bagonza, kutoka KKKT Dayosisi ya Karagwe ambaye ni Mwenyekiti wa Kanda ya Ziwa CSSC, alipongeza juhudi za Kanda ya Kaskazini zilizowezesha kukamilisha ujenzi wa jengo la kanda hiyo. Alisema jengo hilo lililojengwa kwa ushirikiano wa makanisa yote ni alama muhimu ya umoja na ukamilifu wa wito wetu wa kumtumikia mwanadamu.
Alimshukuru Rais Mstaafu kwa kupokea maono ya kuwa na chombo kama CSSC na kukubali kianzishwe chini ya uongozi wake.
Askofu Rogath Kimaryo wa Jimbo Katoliki la Same, Mwenyekiti wa Kanda ya Kaskazini CSSC, alitoa wito vituo va kanisa na hospitali za kanisa viwe mahali pa kuhudumia watu kwa huruma, upendo na kuwapa wagonjwa matumaini ili waweze kupona.
Askofu Kimaryo aliomba Serikali iweze kuendelea kutoa ushirikiano kwa makanisa kupita CSSC kwa kuheshimu makubaliano yake na makanisa ili kuwa suluhu ya changamoto katika sekta ya afya na elimu nchini.
Pia aliwakaribisha na kumshukuru Rais Mstaafu na wote waliohudhuria kwani mahudhurio yao ndio yaliyofanikisha sherehe ya jubilii ya miaka 25 ya CSSC. 
 
   Rais Mstaafu Mzee Ali Hassan Mwinyi alikata utepe kufungua jengo jipya la Ofisi ya CSSC Kanda ya Kaskazini huku Askofu Dkt. Malasusa akipiga makofi. Kulia ni Mkuu wa KKKT, Askofu Fredrick Shoo na kulia kwa Rais Mwinyi ni mkwewe Mama Sitti Mwinyi.
   Picha kulia ni Askofu Dkt. Alex G. Malasusa, Rais wa CSSC (aliye nyuma ya msalaba) na Mkuu wa KKKT, Askofu Dkt. Fredrik Shoo wakitia saini hati ya makabidhiano ya kampuni ya madawa na vifaa tiba toka KKKT kwenda CSSC. Wanaoshuhudia ni Mkurugenzi Mtendaji wa CSSC, Bw. Peter Maduki (kulia) akifuatiwa na Katibu Mkuu wa KKKT, Bw. Brighton Killewa na Mwenyekiti wa Bodi ya Wakurugenzi MEMS, Bw. Pius Maneno.


Bishops from various denominations attended the CSSC 25th anniversary celebrations at Maji ya Chai Ward, Arumeru District.
Chanzo: ELCT website

Mauaji ya balozi wa Urusi nchini Uturuki yahusishwa na ugaidi

Image captionMshambulizi akipaza sauti na kuzungumzia Aleppo.

Urusi imeyahusisha mauaji ya Balozi Andrey Karlov na tukio la kigaidi.

Balozi huyo alipigwa risasi na mshambuliaji aliyekuwa akipaza sauti akitaja Aleppo

Msemaji wa wizara ya mambo ya kigeni mjini Moscow amesema Uturuki wamehakikishiwa kwamba kutakuwa na uchunguzi wa kina kuhusiana na tukio hilo na wote watakaokuwa wamehusika wataadhibiwa. 

Meya wa Ankara amesema mauwaji hayo yamelenga huharibu mahusiano ya nchi hiyo na Urusi. Waziri wa Mambo ya Kigeni wa Marekani John Kerry amesema Marekani iko tayari kusaidia katika uchunguzi wa tukio hilo.

Chanzo: BBC Swahili

Watu 12 wafa katika shambulio la lori

Image captionLori laingia katika soko maarufu kwa manunuzi ya Christman,Berlin

Wakati wakristo kote Duniani wakijiandaa na sikukuu ya Krisimasi, huko nchini Ujerumani watu 12 wamefariki dunia baada ya lori kuacha njia na kuelekea katika soko maarufu kwa maandalizi ya Krisimasi katikati ya mji wa Berlin.

Taarifa za awali za serikali ya Ujerumani zimeeleza kuwa tukio hilo ni la makusudi. 

Pamoja na kusababisha vifo vya watu tisa,lakini Lori hilo pia limejeruhi watu 50 baada ya kuingia katika soko hilo lenye mkusanyiko mkubwa wa watu.

Waziri wa mambo ya ndani wa Ujerumani Thomas de Maiziere, amesema kuna kila dalili kwamba tukio hilo huenda ni la kupangwa na kwamba Polisi wanaendelea na uchunguzi.

Hata hivyo Polisi wamesema kuwa wanachunguza kufuatia gari lililosababisha maafa hayo kudaiwa kuwa lilikuwa na namba za usajili za polisi na kwamba lilibiwa katika jengo ambalo kulikuwa na kazi ya ujnezi huko Poland.

Msemaji wa idara ya zima moto mjini Berlin, Sven Gerling, amesema walishtushwa na kile walicho kiona katika eneo la tukio

Nao Mashuhuda wa tukio hilo wamesema kuwa waliliona lori hilo likielekea katika viunga vya soko hilo kwa kasi karibu na kanisa la kumbukumbu ya Kaisari Wilhelmo.

Polisi wamefanikiwa kumkamata mtu wanayedhani alikuwa akiendesha gari hilo ambapo abiria aliyekuwa ndani ya gari hilo na ambaye hajafahamika mara moja alikufa katika ajali hiyo.

Chanzo:BBC Swahili

China yarejesha chombo cha Marekani

Image copyrightUS NAVY

Image captionChombo hicho kilikuwa kinatumiwa na maafisa wa meli ya USNS Bowditch kufanya utafiti

Marekani imethibitisha kwamba China imerejesha chombo cha baharini ambacho kilikuwa kimetwaliwa kutoka kwenye bahari ya South China Sea.

Kutwaliwa kwa chombo hicho kulikuwa kumetishia kuvuruga uhusiano kati ya Marekani na Uchina.

Chombo hicho ni cha kufanya utafiti baharini.

• China yakamata chombo cha Marekani baharini
• Trump aitaka China kuhifadhi chombo cha Marekani

Maafisa wa Pentagon wanasema chombo hicho kisicho na nahodha kilisalimishwa kwa maafisa wa Marekani karibu na pahala ambapo kilitwaliwa, kilomita 92 kaskazini magharibi mwa Ghuba ya Subic.

Taarifa ya Marekani imesema maafisa wake wataendelea "kupaa, kuendesha vyombo vya baharini, na kuhudumu katika bahari ya South China Sea" maeneo yanayoruhusiwa na sheria za kimataifa.

Baada ya kutwaliwa kwa chombo hicho, Rais Mteule wa Marekani Donald Trump aliituhumu China kwa kutekeleza wizi.

Image copyrightAFP

Image captionChombo cha Marekani kilichokamatwa na China (cha rangi ya manjano)

Baadaye, alipendekeza China waruhusiwe kukaa na chombo hicho.
Chanzo: BBC Swahili

Wajumbe waidhinisha ushindi wa Donald Trump

Image copyrightGETTY IMAGES

Image captionDonald Trump sasa amehakikishiwa kuwa Rais wa 45 wa Marekani

Wajumbe wa Jopo la Kuamua Mshindi wa Urais nchini Marekani wamemuidhinisha Donald Trump kuwa mshindi wa uchaguzi wa urais uliofanyika Novemba.

Hii ni licha ya juhudi za dakika za mwisho za kutaka kumzuia kuingia ikulu ya White House mwezi Januari.

Wiki sita baada ya uchaguzi mkuu kufanyika tarehe 8 Novemba, mwanachama huyo wa Republican amepata zaidi ya kura 270 za wajumbe ambazo alikuwa anahitaji kufanya rasmi ushindi wake.

• Familia ya Donald Trump: Wake na watoto

Baada ya ushindi huo, Bw Trump ameahidi "kufanya kazi kuunganisha nchi yetu na kuwa rais wa Wamarekani wote".

Wajumbe walikuwa wametumia ujumbe mwingi kupitia barua pepe na pia kupigiwa simu wakihimizwa kutomuunga mkono bilionea huyo kabla yao kukutana kupiga kura.

Shughuli yao ya kupiga kura kwa kawaida huwa kama shughuli ya kutimiza wajibu tu, ambapo huwa wanamuidhinisha mshindi, lakini mwaka huu uchaguzi umegubikwa na tuhuma za kuingiliwa na wadukuzi kutoka Urusi.

• Je wajumbe wanaweza kumpokonya Trump ushindi?
• Paul Ryan arejea kwa kishindo

Jimbo la Texas hatimaye lilimuwezesha kufikisha idadi ya kura 270 za wajumbe alizohitaji,, licha ya wajumbe wawili wake kugeuka na kupiga kura kumpinga.

Gazeti la New York Times pia linaripoti kwamba kuna wajumbe wanne wa chama cha Democratic, chake Hillary Clinton, ambao walimpigia kura mgombea mwingine lakini Bi Clinton.

Matokeo ya kura hiyo yatatangazwa rasmi tarehe 6 Januari kwneye kikao maalum cha pamoja cha bunge la Congress.

"Nawashukuru Wamarekani kwa kunipigia kura kwa wingi kuwa rais wa Marekani," Bw Trump alisema kupitia taarifa baada ya matokeo kutangazwa.

"Kwa hatua hii ya kihistoria, tunaweza sasa kutazama mbele na kutarajia maisha ya kufana siku za usoni. Nitafanya kazi kwa bidii kuunganisha nchi yetu na kuwa rais wa Wamarekani wote," alisema.

Image copyrightTWITTER/DONALDJ.TRUMP

Image captionDonald Trump used Twitter to thank his supporters and take a swipe at the media

Makamu wa rais mteule Mike Pence alimpongeza mkubwa wake kwa ushindi kupitia Twitter, na kuandika: "Hongera kwa @realDonaldTrump; ameteuliwa rasmi kuwa Rais wa Marekani leo na Jopo la Kuamua Mshindi wa Urais."

• Trump akejeli madai kuwa Urusi ilivuruga uchaguzi 
• Trump: Mamilioni wasiofaa kupiga kura walipiga

Aliongeza kwamba ni heshima kubwa kwake kuchaguliwa kama makamu wa rais wa Marekani.

Ujumbe wake kwenye Twitter ulipendwa sana na kusambazwa mara nyingi mtandaoni.

'Hatutaki uhaini, hatutaki Trump!'

Waliokuwa wanafanya juhudi za kumzuia Bw Trump walikuwa wamepigana vikali kuwashawishi wajumbe wa chama cha Republican kutomuunga mkono mgombea wa chama chao.

Mamilioni ya Wamarekani walitia saini ombi mtandaoni kuwahimiza wajumbe hao kutomuunga mkono Bw Trump.

Siku ya kufanyika kwa uchaguzi, maelfu ya watu wanaompinga Trump walikusanyika na kuandamana katika miji mikuu ya majimbo kote nchini humo.

Image copyrightAP

Image captionWaandamani Augusta, Maine wakimpinga Trump

Katika jimbo la Pennsylvania, zaidi ya waandamanaji 200 walivumilia baridi kali na kuandamana wakiimba, "Hatutaki Trump, hatutaki KKK, hatutaki Wafashisti Marekani!" na "Hatutaki uhaini, hatutaki Trump".

Jimbo la Maine, waandamanaji walipiga ngoma na kubeba mabango yaliyosema, "Msiache Putin Aamue Rais Wetu," - wakirejelea tuhuma kwamba wadukuzi walioungwa mkono na serikali ya Urusi walijaribu kuvuruga uchaguzi kumfaa Bw Trummp.

Kimsingi, waliokuwa wanampinga Bw Trump hawakuwa na nafasi ya kuzuia ushindi wake.

Ndipo waweze kumzuia kuingia ikulu, wangehitaji kuwashawishi wajumbe 38 wa chama cha Republican kubadili msimamo wao.
Na hilo huenda labda lingechelewesha tu ushindi wake.

Iwapo kungetokea iwe kwamba hakuna mgombea aliyefikisha kura 270 za wajumbe, Bunge la Wawakilishi ndilo lingekuwa na jukumu la kuamua nani angekuwa rais.

Ikizingatiwa kwamba bunge hilo linadhibitiwa na chama cha Republican, bila shaka wangemchagua Bw Trump.

Image copyrightEPA

Image captionMwandamanaji mjini Los Angeles akiwahimiza wajumbeChanzo: BBC Swahili

Rais Mstaafu Mh. Benjamin Mkapa aendeleza juhudi za usuruhishi huko Burundi.

Image captionMkapa amesema kuwa makubaliano yataafikiwa ifikapo mwezi Juni mwaka ujao.

Wanasiasa wa upinzani nchini Burundi walio uhamishoni wamepinga jitihada za aliyekuwa rais wa Tanzania za kutatua mzozo ulio nchini humo.

Hii inajiri baada ya William Mkapa kuwaambia waandishi wa habari kuwa si jambo zuri kuendelea kutilia shaka uhalali wa Raia Pierre Nkurunzia.

Nchi ya Buurndi ilitumbukia kwenye mzoo baada ya bwana Nkurunziza kutangaza kuwa angewania muhula wa tatu.

Mamia ya watu wameuawa na maelfu kukimbia nchi kulipozuka ghasia.

Bwana Mkapa alipewa jukumu la kusaidia kutatua mzozo huo, na amesema kuwa makubaliano yataafikiwa ifikapo mwezi Juni mwaka ujao.

Baadhi ya wanasiasa wa upinzani walio uhamishoni wanatafutwa na serikali kwa kupanga maandamano ya kupinga hatua ya Rais Nkurunziza hatua ambazo serikali inazitaja kuwa za kihalifu. 

Wengine waliilaumiwa wa kushiriki kwenye mapinduzi ya kijeshi yaliyofeli mwezi Mei.

Chanzo: BBC Swahili

RAIS MSTAAFU JAKAYA KIKWETE AKUTANA NA WAZIRI MKUU WA ETHIOPIA, AMKABIDHI RIPOTI YA KAMISHENI YA ELIMU

Na Mwandishi Maalum
Rais Mstaafu na Kamishna wa Kamisheni ya Umoja wa Mataifa ya Kugharamia Fursa ya  Elimu  Duniani  (UN Education Commission on Financing Global Education Opportunity) juzi, Desemba 6, 2016, alikutana na Waziri Mkuu wa Ethiopia, Haile Mariam Desale, alipomtembelea ofisini kwake jijini Addis Ababa, Ethiopia.

Katika nafasi yake ya Mjumbe Maalum wa Kamisheni hiyo, Rais Mstaafu alimkabidhi  Waziri Mkuu wa Ethiopia Ripoti ya Kamisheni hiyo yenye mapendekezo ya namna Dunia inavyoweza kukabili janga la elimu kwa kuwekeza katika mpango wa Kizazi cha elimu (A Learning Generation). 

Mpango huo unalenga kuleta mapinduzi makubwa ya elimu katika nchi zinazoendelea ndani ya kizazi kimoja (miaka 30) ikiwa azma kuu ya mpango huo ni kuwezesha ifikapo mwaka 2040, watoto wote kote duniani wawe wanapata elimu iliyo bora na kwa kiwango kinachofanana dunia nzima.

Kwa mujibu wa ripoti hiyo, kwa sasa, hali ya elimu katika nchi zinazoendelea inalingana na ile ambayo nchi zinazoendelea zilikuwapo miaka 70 iliyopita. Aidha, ripoti inasisitiza kuwa, ikiwa nchi zinazoendelea zitaendelea kwa kasi ya sasa, itazichukua nchi hizo kati ya miaka 90 na 110 kufikia viwango vya sasa vya nchi zilizoendelea.

Kwa ajili hiyo, Kamisheni inapendekeza njia mpya na bora za kufanya mageuzi katika elimu ikiwemo kuongeza usimamizi, kupanua fursa, kuingiza ubinifu na teknolojia na kuongeza uwekezaji katika elimu kwa kushawishi ushiriki wa Jumuiya ya Kimataifa na Sekta Binafsi. Iwapo mapendekezo hayo yatatekelezwa, nchi zinazoendelea zinaweza kufikida pengo hilo ndani ya miaka 30 ijayo.

Rais Mstaafu ameiomba Ethiopia kujiunga na Mpango huo ambapo Waziri Mkuu wa Ethiopia ameelezea nia ya nchi yake kujiunga na Mpango huo. Ethiopia ni moja kati ya nchi za Afrika ambayo imepiga hatua kubwa katika utoaji wa fursa ya elimu kwa watoto na vijana wake. Pamoja na mafanikio makubwa  bado zipo changamoto zinazohitaji hatua madhubuti ili kufikia lengo la kizazi cha elimu ifikapo 2040.

Ziara ya Rais Mstaafu itamfikisha katika nchi 14 barani Afrika ambapo zimechaguliwa katika awamu ya kwanza ya mpango huo. Tayari amekwishazitembelea nchi za Uganda na Malawi na kufanya mazungumzo na viongozi wakuu wa nchi hizo.

Rais Mstaafu Mheshimiwa Jakaya Mrisho Kikwete akiwa katika mazungumzo na Mheshimiwa Haile Mariam Desale, Waziri Mkuu wa Ethiopia jijini Addis Ababa

Chanzo: CCM blog

RAIS DKT JOHN POMBE MAGUFULI ATOA MSAMAHA KWA WAFUNGWA 5,678 KATIKA MAADHIMISHO YA MIAKA 55 YA UHURU WA TANZANIA BARA

Katika kuadhimisha miaka 55 ya Uhuru wa Tanzania Bara tarehe  9 Disemba, 2016 Mheshimiwa Rais wa Jamhuri ya Muungano wa Tanzania kwa kutumia madaraka aliyopewa chini ya Ibara ya 45(1)(d) ya Katiba ya Jamhuri ya Muungano wa Tanzania ametoa msamaha kwa wafungwa wafuatao:-

(i)           Wafungwa wote wamepunguziwa moja ya sita (¹/₆) ya vifungo vyao zaidi ya punguzo la kawaida linalotolewa chini ya kifungu 49(1) cha Sheria ya Magereza Sura ya 58 isipokuwa wafungwa walioorodheshwa katika Ibara ya 2 (i-xx).

(ii)         Wafungwa wagonjwa wenye magonjwa kama UKIMWI, KIFUA KIKUU (TB) na SARATANI (CANCER) ambao wako kwenye “terminal stage”. Wafungwa ambao wamethibitishwa na Jopo la Waganga chini ya Uenyekiti wa Mganga Mkuu wa Mkoa/Mganga Mkuu wa Wilaya.

(iii)       Wafungwa wazee wenye umri wa miaka sabini (70) au zaidi ambao umri huo umethibitishwa na Jopo la Waganga chini ya Uenyekiti wa Mganga Mkuu wa Mkoa/Mganga Mkuu wa Wilaya.

(iv)        Wafungwa wa kike walioingia na mimba gerezani, pamoja na wale walioingia na watoto wanaonyonya na wasionyonya.

(v)          Wafungwa wenye ulemavu wa mwili na akili (Physical disability and mental disability) ambao ulemavu huo umethibitishwa na Jopo la Waganga chini ya Uenyekiti wa Mganga Mkuu wa Mkoa/Mganga Mkuu wa Wilaya.

2.      Aidha, Msamaha huu wa Mheshimiwa Rais hautawahusu wafungwa wafuatao:-

(i)              Wafungwa waliohukumiwa adhabu ya kunyongwa.

(ii)            Wafungwa waliohukumiwa adhabu ya kunyongwa na adhabu hiyo kubadilishwa kuwa kifungo cha maisha au kifungo gerezani.

(iii)          Wafungwa waliohukumiwa kifungo cha maisha gerezani.

(iv)          Wafungwa wanaotumikia kifungo kwa makosa ya kujihusisha na usafirishaji na matumizi ya madawa ya kulevya kama vile cocaine, heroin, bhangi n.k.

(v)            Wafungwa wanaotumikia kifungo kwa makosa ya kujihusisha na uombaji, upokeaji au utoaji rushwa.

(vi)          Wafungwa wanaotumikia kifungo kwa makosa ya unyang’anyi na unyang’anyi wa kutumia silaha au kujaribu kutenda makosa hayo (robbery with violence, armed robbery and attempt robbery).

(vii)        Wafungwa wanaotumikia kifungo kwa makosa ya kupatikana na silaha, risasi au milipuko isivyo halali (firearms, ammunitions and explosives).

(viii)      Wafungwa wanaotumikia kifungo kwa makosa ya shambulio la aibu, kunajisi, kubaka na kulawiti, au kujaribu kutenda makosa hayo.

(ix)          Wafungwa waliopatikana na hatia na kuhukumiwa kifungo kwa kosa la kuwapa mimba wanafunzi wa Shule za Msingi na Shule za Sekondari na ambao walitenda kosa hilo wakiwa na umri wa miaka kumi na nane (18) na kuendelea.

(x)            Wafungwa wanaotumikia kifungo kwa makosa ya wizi wa magari na pikipiki au kujaribu kutenda makosa hayo.

(xi)          Wafungwa wanaotumikia kifungo chini ya Sheria ya Bodi ya Parole (Act. No. 25/1994) na Sheria ya Huduma kwa Jamii (Act. No. 6/2002).

(xii)        Wafungwa waliopatikana na hatia na kuhukumiwa kifungo kwa makosa ya kutumia vibaya madaraka yao.

(xiii)      Wafungwa waliowahi kupunguziwa kifungo na Msamaha wa Mheshimiwa Rais na bado wangali wanaendelea kutumikia sehemu ya kifungo kilichobaki.

(xiv)       Wafungwa waliopatikana na hatia na kuhukumiwa kwa kosa la kuzuia watoto kupata masomo.

(xv)         Wafungwa waliopatikana na hatia na kuhukumiwa kwa kosa la utekaji wa watoto, kupoka na kufanya biashara ya binadamu (Human Trafficking).

(xvi)       Wafungwa waliopatikana na hatia na kuhukumiwa kwa kosa la kukutwa na viungo vya binadamu. 

(xvii)      Wafungwa wanaotumikia vifungo kwa makosa ya kujihusisha na  usafirishaji wa nyara za Serikali na ujangili (Poachers).

(xviii)   Wafungwa wanaotumikia kifungo kwa makosa ya        wizi/ubadhirifu wa fedha za Serikali.

(xix)       Wafungwa wanaotumikia vifungo kwa makosa ya kutoroka au kujaribu kutoroka chini ya ulinzi halali.

(xx)      Wafungwa walioingia gerezani baada ya tarehe 9/10/2016.

3.      Wafungwa wapatao 5,678 watafaidika na msamaha huu baada ya kupunguziwa ¹/₆ ya vifungo vyao ambapo 1,340 wataachiliwa huru na wafungwa 4,338 watanufaika na kubaki gerezani wakitumikia sehemu ya kifungo kilichobaki. Ni mategemeo ya Serikali kwamba watakaoachiliwa huru watarejea tena katika jamii kushirikiana na wenzao katika ujenzi wa Taifa na kwamba watajiepusha kutenda makosa ili wasirejee tena gerezani.

Imesainiwa na;

Meja Jenerali  Projest  Rwegasira

KATIBU MKUU WIZARA YA MAMBO YA NDANI YA NCHI

9/12/2016

Habari kwa hisani ya Ikulu Blog